冇去陳展鵬新婚Party，胡定欣表示是因為……

胡定欣、陳豪、吳卓羲、陶大宇、溫碧霞、李若彤、郭晉安及盧惠光出席品牌記者會。提到定欣日前沒有去緋聞男友陳展鵬與單文柔舉行的婚禮及After Party，她表示有收到派對邀請，但因時間問題趕不切出席，問會否補送禮物？她說：「一班姊妹會夾份畀利是。（羨慕佢結婚？）努力工作，隨緣啦！」

講到定欣早前跟好友姚子羚、蕭正楠（阿蕭）及曹永廉到瑞士拍攝節目《兄弟姊妹去旅行》，全程夾計整蠱曹永廉：「佢做咗我哋箭靶，有好多趣事。（怕唔怕佢再發脾氣？）所以都要小心，阿蕭知佢底線！其實我上年去過一次瑞士，今次公司請我哋去咗一啲新嘅地方，去咗15、16日，開心到唔捨得走，不過都幾攰，一早起身，又要上雪山，坐咗幾次纜車，但個雪山景真系好靚，我哋有玩掟雪，仲睇埋日出日落，下次會帶埋媽咪去，因為我同細佬都去過，佢見到啲相都流曬口水！」

有指將開拍的劇集《法證先鋒lV》原本有定欣及陳煒一同主演，但因定欣怕被陳煒搶戲而辭演，定欣作出否認：「本身系有消息話會搵我，但最終因為時間夾唔到所以冇拍到。（唔系要避陳煒？）唔系，同佢合作得好開心呀！拍完《宮心計2深宮計》感情好好，完全唔關事！」

本文來源 

網路

版權歸原作者所有

商務合作QQ：2777140739

推薦閱讀：