《法證先鋒》拍第四輯，冇Bobby林文龍，空降「龍之子」再做男主角？

因為林文龍同鍾嘉欣最近喺《再創世紀》再續前緣，為當年喺《法證先鋒》入便，圓咗佢哋兩個唔可以一齊嘅夢，再加上喺網上有唔少消息話《法證先鋒》將會開拍第4集，唔少網民好期待呢件事。

聽講呢套劇將會舉行記者會，本來有傳話系胡定欣同馬國明擔任主角，點知最後原來系佢哋兩個都唔會做，除咗譚俊彥之前講過話會演出之外，其他人系一個謎。不過李施嬅喺IG貼咗張影住《法證4》嘅天書相，留言話要做準備功課，之後陳煒同黃心穎就留言話大家要努力。

言下之意，女角人選將會系佢哋三個，咁男主角呢，有傳除咗譚俊彥之外，仲有黃浩然同埋鄭俊弘，咁啱得咁橋，監製梅小青講過呢套劇會系新配搭，睇嚟呢啲人選又好吻合喎！

其實網民最想都系見到歐陽震華、林文龍、蒙嘉慧、鍾嘉欣，以至後期嘅鄭嘉穎、佘詩曼呢啲原有班底助陣。

上一輯用咗黎耀祥張可頤徐子珊吳卓羲胡定欣，拍攝手法同之前《法證先鋒》系列好唔同，甚至乎有啲「Over」咗，太強調科技嘅pro，少咗「人味」，嗰陣已經有唔少聲音，唔知今次呢個組合，觀眾又會唔會接受呢？ 

本文來源 

網路

版權歸原作者所有

商務合作QQ：2777140739