原來係咁 之 譖

來自專欄天天向上玩粵語1 人贊了文章

「吟」粵語讀：「jam4」或者「ngam4」。《說文》記錄咗：「呻也。」《廣韻》記錄咗：「歎也。」《增韻》記錄咗：「哦也，詠也，鳴也。」《莊子·德充符》記錄咗：「倚樹而吟。」《戰國策》記錄咗：「晝吟宵哭。」

「譖」粵語讀：「zam3」。原意係：「講別人嘅壞話中傷、誣陷。」《唐韻》記錄咗：「莊蔭切。」 《會韻》旁入曰譖。《詩·小雅》記錄咗：「譖言則退。」《註》記錄咗：「有譖毀之言，則共爲排退之。」

「吟譖」在粵語中係指：長輩對晚輩嘅勸導、教育，而晚輩唔係好樂於接受，但係又唔能夠表示反對或者不滿。咁我哋會將長輩嘅言論就定性為「譖氣」、「吟譖」。

喺周星馳先生主演嘅電影《大話西遊》裡邊，唐僧長期對孫悟空進行思想品德嘅教育，搞到悟空非常之唔爽啦，孫悟空就認為師傅吟吟譖譖，好鬼死譖氣。

「吟譖」嘅本意係：「當住人面去污衊、誣陷人哋」，係貶義詞。當長輩喺自己面前提出一點缺點、錯誤嘅時候呢，佢嘅本意其實唔係要責怪我哋。以前有句老話講得非常好嘅「良藥苦口利於疾，忠言逆耳利於行」，所以當長輩指出我哋做嘢做得唔好嘅地方，我哋唔好覺得長輩吟吟譖譖，要虛心接受，咁唔知大家覺得啱唔啱呢？

聽聲了解地道 譖 字