原來係咁 之 臩

來自專欄天天向上玩粵語9 人贊了文章

上面一個「臦」下面一個「大」再加「兩豎」，普通話讀「guang3」或者讀「jiong3」，粵語讀「gwaang6」或者讀「kwaa3」。

《廣韻》《集韻》記錄咗：「俱往切，音逛。驚走也。又往來貌。」

粵語中「臩」係指：「漫無目的咁散步」。例如講：「唉，開會好悶啊，我去花園臩一臩先。」「咁得閑，我喺條街度自己臩一臩先。」

一般粵語中講嘅「臩街」就係指：「係大街上面隨意行走，尋找自己感興趣嘅事情或者事物」。喺網購未普及嘅時候，廣大青年女同胞嘅業餘愛好就係鐘意去臩街嘅。

據英國心理學家考評：女孩子臩街對心理或身體都有極大好處。因為遇到唔開心嘅事情，臩街購買自己鐘意嘅物品，會得到心靈上嘅安慰而變得開心。但係相對於女同胞嚟講，男同胞臩街嘅危害性比較大，諗下就知啦，同女朋友或者太太出去臩街，一係就悶死，一係就錢包榨乾，造成極大心理壓力。但係建議男同胞隨遇而安，感受下臩街嘅樂趣。