| buffet 不妨太過份.出貓不要太高分 我有一份工...叫做陰功 化妝叫make up，女人唔單止俾個make up你睇，仲要俾埋個making of你睇 喺愛情之中，女人最偉大！男人嘅犧牲，就為咗追求美麗；而女人嘅犧牲，就只系得到一個麻甩佬！而最偉大嘅系佢哋根本唔覺得系犧牲。 我第一次戀愛之前，我嘅小龍女只需要一個條件，就系靚，我知我咁樣諗好膚淺，但系嗰陣時我重細，唔知道原來身材都好重要架。 殺人放火金腰帶 今次悟得幫你挽鞋! 唔該你失戀就唔好唱情歌啦,失戀唱情歌即系漏煤氣,你關窗姐
好多人結婚，最初就以為自己係婚姻嘅用家。後來先發覺自己係感情嘅炒家，於是想離婚。 但係離婚又要攪幾年，睇住周街都係新盤靚盤，自己個盤又放唔出，幾難受！ 我從小就知道，我係一個偉大嘅演員。 人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。 但係唔知係咪我個樣比較老實，我係從來都冇機會扮姦夫。每次我都係扮淫婦......嘅老公。 雖然係咁，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。 當然，我啲朋友個個都讚我，話我天生出嚟，就係戴綠帽嘅。
| |
| 如果你話我聽，因為我唔靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，係佢哋攪成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔準做戲！或者剩係做茄呢啡！
我唔係一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？ 我細個讀書唔好，或者唔合格，我冇要父母負責。我自己簽曬啲成績表嘅。 每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！ 我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。 反而係我調番轉頭，提醒佢哋：你哋要搵錢啊，積穀防飢啊，唔係第日老來無依無*啊！ 乜嘢都係我！ D豬扒令到我哋D男人好唔安樂 但卻令到你哋D女人好快樂
白雪公主，幾咁純潔無瑕。 但系諗真啲，白雪公主，識得嗰個系王子，灰姑娘識嗰個又系王子； 白雪公主，識得果個系王子，灰姑娘識得果個又系王子； 有個有特殊嗜好，中意錫青蛙噶女人錫左只青蛙一淡， 只青蛙變出嚟嘅又系王子！有冇人諗過根本個王子系同一個人呢？ 根本呢個王子都不知幾花心，周圍溝女。仲無良到扮青蛙去溝添！ 所以話，其實呢個世界上沒王子，只有撲街，最憎就系果D扮王子噶撲街！！ 但後來隨著世界噶發展，我覺得現代噶愛情故事當中，其實都系無公主噶．因為等白馬王子救噶果個系公主，拿把劍噶王子救果個又系公主，就連扮青蛙果個王子救噶都是公主．其實果個公主都唔知比人救過幾多次啦．甘又有冇人諗過根本個公主其實都系同一個人呢？呢個公主其實都不知幾貪心想有好多王子救佢． 
|
情竇未開 我第一次戀愛之前，我認為自己就系楊過。而我同書裡面個楊過唯一唔同嘅地方，就系佢有隻大鵰。 我只需要愛情，只要搵到我嘅小龍女，我就可以拋棄學業，退隱山林，搬入新界住。但系我一定要住西班牙別墅，我唔住得村屋，我怕蛇蟲鼠蟻。 然後每個月至多出一次市區，不過我唔會逗留得耐，問亞媽攞完零用錢我就會入番入去。 冇錯，基本上，我由中一至中五都系喺呢種咁超然嘅思想下度過。 嗰陣時學校最流行嘅辯論題目系：「中學生應否談戀愛？」我認為，我哋應該辯論嘅系「中學生應否讀書？」 而喺我第一次戀愛之前，我嘅小龍女只需要一個條件，就系靚，我知我咁樣諗好膚淺，但系嗰陣時我仲細，唔知道原來身材都好重要嘎。 愛情 戀愛唔系PART-TIME，你唔可以話：「愛！做完咪走啰！」 戀愛系一盤生意，你要二十四小時諗住佢。自己生意，冇所謂PART-TIME正識。人哋放假或者過年過節，你更加要開OT添。行花市啦行海邊啦睇戲食飯啦……
你有乜嘢競爭對手呢？我冇競爭對手？！你估你系專利巴士公司啊？港巴都執咗啦！有冇考慮結婚？咁就要向公眾交代，咁就即繫上市啦！所以，「中學生應否談戀愛」唔系問題，問題系「人類應否有兩份全職工作？」 你再拍拖，需要知會你老闆：「老細，我出面搵咗份戀愛，我真系好需要呢份戀愛，不過公司啲嘢我會照做，我兼顧到嘎。」然後你老闆會話：「咁你不如搵多份戀愛，咪直情唔使番呢份工啰！」 女人偉大系愛情之中，女人最偉大！ 男人嘅犧牲，就為咗追求美麗；而女人嘅犧牲，就只系得到一個麻甩佬！而最偉大嘅系佢哋根本唔覺得系犧牲。 如果你話畀一個女人聽，喂，你男朋友有口臭！ 張：車，人梗有局部缺點嘅！ 黃：佢仲有臭狐同香港腳喎！ 張：咁佢咪好平均咯！ 黃：佢啲鼻鼾聲唔使攪咪啊！
張：我男朋友一定系夢見我，我開心。 黃：佢屙尿亂咁啡！ 張：好壯啊！ 黃：佢啡完唔洗手！ 張：邊有男人洗手嘎！ 黃：我有！ 張：乸型！ 黃：佢仲講粗口啊！ 張：但系佢心地好！ 黃：佢系電梯度食煙喎！ 張：公眾場合都唔畀食咯，佢咪呢埋一邊食啰，你哋仲想點啊！你系咪想逼死佢？！系咪想逼死佢？！嗚～～～ 責任何在如果你話我聽，因為我唔靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，系佢哋搞成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔准做戲！或者剩系做茄呢啡！ 我唔系一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？ 我細個讀書唔好，或者唔合格，我冇要父母負責。我自己簽曬啲成績表嘅。 每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！ 我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。 反而系我調番轉頭，提醒佢哋：你哋要搵錢啊，積穀防?#124;啊，唔系第日老來無依無靠啊！ 乜嘢都系我！ 男仔唔駛靚仔 靚仔系唔系真系咁重要啊？有啲人話男人唔駛靚仔嘅，有才華咪得啰。 系，你有冇試過帶你嘅才華去落disco識女仔啊？人哋啲靚仔一行入去，唔使二十分鐘，就已經同啲女仔互相問問題：「你度定我度？」 我帶住我嘅才華入到去，幾艱難先搵到個女仔肯畀個機會我。唔系畀機會我交換問題，而系畀機會我天才表演。 唱歌跳舞做話劇講大話功夫表演，成套歡樂今宵一個人做一次…… 演戲天份我從小就知道，我系一個偉大嘅演員。 人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。 但系唔知系咪我個樣比較老實，我系從來都冇機會扮姦夫。每次我都系扮淫婦……嘅老公。 雖然系咁，雖然，我亦都系成班人之中最細嗰個。但系我已經可以將一個妒忌嘅男人心態表現得淋漓盡至。 當然，我啲朋友個個都讚我，話我天生出嚟，就系戴綠帽嘅。 死亡 細個嗰陣，我系唔怕死嘅。 我覺得，系以前啲人先會死嘅。系歷史書裡面嘅人至會死。好多人唔明歷史有乜用，歷史咪話你聽邊啲人死咗啰。 我從來未睇過一本歷史書有提到黃子華呢個名，我點會死啊。最緊要系，就算死都唔系乜嘢一回事。 細個嗰陣隔離陳師奶成日叫佢老公：「咁多人去死你仲唔去死？」 然後去完番嚟,阿陳師奶又會話：「死番嚟啦，唔死多陣添？」 所以我一路都認為，去死，即系去街，同埋一定唔會去好遠。因為阿陳生每次都好快就返嚟嘅。 泳池 黃：去公眾泳池嗰啲唔系叫做游水，嗰啲叫做浸水。因為喺公眾泳池游，只可以用一種泳式，就系彈式，同一個位，彈下彈下。 張：如果系高手可以用式，但系要潛落水底嗰度用。 黃：點解香港啲泳池咁鬼逼嘅呢？ 張：唔好問啊，趁人多你好快啲浸下。等陣所有人上曬水嗰陣，你就會發覺，個池啲水原來到膝頭哥嘎咋！你去浸腳指啦，下次。 黃：其實我哋香港人都習慣咗人多，去浸下水都好。但系可惜嘅系，呢啲水，唔系一般水，呢啲系暖水！你成日喺泳池度，你會發覺有啲人，全身唔喐，眼碌碌。 張：哦！你喺泳池屙尿，咁冇公德心！由細到大我老豆都教我嘎啦,急尿，去隔離池啊嘛！ 黃：所以我喺度，趁呢個機會，同你啲儬仔講啊！游游下小童池就走過嚟大人池，擒喺個池邊，唔好話我聽系學游啊！ 張：特別系擒正喺噴水口嗰啲啊！想毀屍滅跡啊！ 金撈 點解要帶金撈？唔帶撈，有乜資格同人講，時間系寶貴？我嘅時間點值錢呀？（你話系唔系先） 嗱，支時針圍住行一個圈，12個鐘，十幾皮嘢，即係為皮幾嘢一個鍾。你一個鍾值幾錢啊？ 幾舊水？我點同你一齊食飯啊，大家時間觀念咁唔同！ 唔單止咁，你帶撈，表示你個人有幽默感。勞力士，有邊個靠勞力搵食嘅人帶得起勞力士啊？越帶勞力士嘅人就越表示佢唔使用勞力！呢啲，就叫做幽默感啦。 女愛情觀 女仔對愛同鐘意有好大嘅分別，如果個女仔知道個男仔鐘意佢呢，佢都會同佢去下街，睇下戲，食下飯，但想做進一步嘅嘢就唔得啦。 而女仔知道個男仔愛佢嘅時候系絕對可以付出更多。喺女仔心目中，鐘意等於「幫襯」。 但愛喺女仔心目中等於「收購」，收購包括「注資」，然後「合併」……（系呀，系呀！） 所以女仔要男仔將佢嘅愛注資落嚟，嚟護口注資落嚟，最重要嘅系嚟錢注資落嚟。 然後去買Joyce啦，Panda啦，Gueeo啦，買到一身都系，等佢認為可以鞏固佢自己嘅價值，但佢哋系絕對冇得到男方嘅同意嘎！ 嗱！我宜家同你哋講啊，你哋嘅黑箱作業，好容易破壞男方嘅經濟嘎！（你哋都好有共鳴啦） 男愛情觀 男仔對愛就好隨便，愛同鐘意都冇分別，只要佢知道你鐘意佢，即刻可以帶你番屋企，或者去你屋企。 系唔系男仔心中冇愛呢？我覺得又唔系喎。系佢哋比其他人更清楚愛嘅定義。愛系乜呢？根據耶蘇嘅講法系：「愛系恆久忍耐又有恩賜，愛系不張狂，不大喚，不作害羞的事，忘記別人的錯。」 你話啦作為小小男人嘅我哋又點可以隨隨便便同你講聲愛啊！ 所以以後有人同你講愛，一就系佢講大話（加強語氣），二就系有個耶蘇喺你面前啊。 但耶穌主張愛人如己任，博愛嘎！ 迷惘 喺公司，老闆會同我講：「你番嚟唔系瞓就系去廁所，你當呢度系屋企啊，呢度系公司啊。」 我番到屋企，阿媽又會話：「你仲當呢度系你屋企咩，你番嚟唔系霸住個廁所就剩系識瞓！」 咁……咁我番屋企又唔瞓覺又唔去廁所，番公司又唔去廁所唔瞓，咁我呢啲嘢去邊度做啊？ 不過後嚟我諗過自己又系過份啲嘅，於是我就痛改前非。以後番屋企我就剩系瞓覺，番公司就剩系去廁所。 兒童教育 我一向都認為，我哋成日呃啲細路仔，懶系nice咁對佢哋，講到呢個世界乜嘢都好好咁，咁系唔啱嘅。（何解？） 細個我同媽媽搭飛機，睇見廁所嘅水系藍色，我未見過，咪走去問媽媽嗰啲系乜？媽媽話：「系天空。」所以我就成為世界上第一個食過天空嘅人。 細個啲大人成日講童話講白雪公主。（你都聽過啦）佢哋講嘅就系白雪公主又靚又好人，好值得去追求。 但系冇講到我哋唔系白馬王子！邊個人至系白馬王子啊？起碼有隻白馬啦。咁就即系馬主啦，你話系唔系啊？ 講啲唔講啲好危險嘎。即系等如你同個細路仔講：「小明啊，飛出窗口好過癮嘅，成個香港望曬嘎，浮下浮下……」但系唔同佢講：「不過你落到地下個陣，會快過搭電梯好多！」 用家炒家好多人結婚，最初就以為自己系婚姻嘅用家。後來先發覺自己系感情嘅炒家，於是想離婚。 但系離婚又要攪幾年，睇住周街都系新盤靚盤，自己個盤又放唔出，幾難受！ 
|
飲得high high地,不如返屋企