連老廣都搞唔清嘅常用粵語詞，你識用幾多？

07-08

2016-11-07 粵語社

開波啦！

01
老世& 老細
寫慣「老細」的朋友仔
你知道其實正確寫法應該係「老世」嗎

「老細」只不過係同讀音嘅錯誤寫法
當年香港淪陷後，日軍查戶籍，翻譯來到門前大叫：「世帶主出來」（「世帶主」指戶主，亦是「老世」的起源）。廣府人鐘意在稱呼前面加個「老」字，例如：老表、老餅等，於是將「世帶主」減字簡稱，加個「老」字，所以就有咗「老世」呢個詞，後來流傳下來就變成老闆的俗稱。

02
肆正 & 四正
「去面試要著得肆正啲先好…」
平時口語經常提到做人要「si」正
實則上正確寫法係「四正」
「四」古音讀【si3】
口語相傳之下，「四正」呢個詞嘅「四」依然沿用古音。所以「肆正」只是同音，但係錯誤寫法噢。【四正】指人的相貌端正，美觀。

03

拚命三郎 & 拚命三郎
眨眼之下睇以為兩個字生得一毛一樣
實則上「拼」和「拚」喺廣東話中係唔同意思噶
拼：【ping1或ping3】，意思系「努力拚搏」
拚：【pun2（盆）】，意思系「捨棄，不顧惜」
普通話中「拚」已經幾乎被「拼」取代。《水滸傳》裡面，施耐庵筆下的石秀被稱為「拚命三郎」，意思系話石秀唔怕死，而「拚命三郎」意思系好努力的意思。所以一字之差意思差好遠。

04
洗錢 & 使錢
「洗錢」同「使錢」都係兩個完全唔同概念嘅詞
洗錢：係「洗黑錢」嘅簡稱

使錢：係「用錢」嘅意思
粵語中表達「使用」意思的，只有「使」字，「使錢」顧名思義就是「使用錢」。所以「使錢」中的「使」用「洗」和「駛」都是錯誤的寫法。

05
禁用 & 襟用
平時我地用粵語讀出來嘅音係「襟用」
表示「耐用」的意思
例如：對波鞋好「襟用」，著咗3年都冇爛
但其實正確寫法係「禁用」
《國語辭典》裡面，「禁」嘅的意思係：副詞，耐，指物品耐用的意思。所以係米覺得自己嘅三觀開始顛倒呢。正確讀法：禁【kam1（襟）】用。

06

站亂歌柄 & 儳亂歌柄
平時傾計有人插話兼且胡講時
我地會話「你唔好係度站亂歌柄」啦
但實際上「站亂歌柄」的正確寫法係「儳亂歌柄」
正確讀法是：儳【zaam6（站）】
《禮記?曲禮上》有「長者不及，毋儳言」的記載，意思是長輩講說話的時候，不要隨便插嘴。所以「儳言」就係「插嘴」嘅意思。註：「儳亂歌柄」亦有寫法為「劖亂歌柄」。

07
鎖門 & 戍門
粵語中「鎖門」系有【seot1（摔）】門的說法
不過正確寫法應是「戍【seot1】門」

《國語辭典》裡面有「屈戍」，意思是用來開闔門窗的環紐。另外「閂【saan1】門」同「【taap3（塔）】門」的講法，三種都有鎖門的意思，但三個詞都有差別。
閂門：一般指關門
戍門：指用門上的橫鎖（即門戍）卡住門框，比如西關大屋
【taap3（塔）】門：指用外帶的鎖固定門環或門與門框

08
冧嘢 & 諗嘢
平時我地話「唔好諗咁多啦」
一打出來可能就變「冧」、「淋」都是錯誤的
「淋」顯然係「淋紅油」嘅動詞與大腦思考無關
「冧」（粵語發音lem3 林3），意思是倒塌，例如：冧咗落嚟相當於普通話中「倒塌下來」

「諗」（粵語發音nem2 挪庵2）意思是思考、想，例如上面的「唔好諗咁多啦」就是指普通話中「別想那麼多啦」（註：「諗」包含「想、思考」之意，但與「想」字並不互通）

09
我噶 & 我嘅
比如話「我噶師傅係黃飛鴻」
聽起身好似冇咩問題啊
實則上正確寫法係「我嘅師傅係黃飛鴻」
「噶」是虛詞，無實意，表加強語氣。相當於普通話里的「啦」，「啊」之類，一般放在句子末尾。例如「你成日甘噶」（你每天都這樣的啦）
「嘅」是助詞，相當於普通話里的「的」。既可以出現在句末也可以在句中。例如「睇好你嘅嘢「（看好你的東西）

10
痴線 & 黐線

「無啦啦撞埋嚟，都痴痴地線嘅」
「痴線」呢個詞係日常生活中經常提及
但「痴線」同樣只係同讀音嘅錯誤寫法
真正寫法應該係「黐線」
「黐線」【ci1 sin3】是一句罵人的話，但罵人「黐線」者常帶有幾分不認真。本意是指腦子裏的幾根筋黏在一起，黏在一起在粵語中叫做「黐」，而不是「痴」。很多人認為「黐線」與普通話的「白痴」差不多意思所以就誤寫成「痴線」，同樣被誤寫的還有「黐孖筋」（義同）。

11
中意 & 鐘意
「我中意你」
「我鍾意你」
似乎都可以用

區別就在乎與粵語與普通話
鐘意【zung1】是白話地區的一個口語，其意義為「喜歡」、「欣賞」，可寫作：「鍾意」。中意，源自廣東話，意為「喜歡」，粵語正字為「鍾意」，因語言發展影響，在普通話中已演變為「中意」。台州一帶，口語化的愛就是用「中意」的辭彙。

12
恰眼瞓 & 瞌眼瞓
上堂釣曬魚咁
我地都會話一上堂就瞌眼瞓
唔少人會打成恰眼瞓
因為覺得音調都係【hap1】
瞌是左右結構，一般與睡組詞，意思是睏倦要睡。而恰，是適當、恰好的意思。

轉自：粵語歌曲