女士注意：呢九種男人嫁唔過，你男朋友系咪？

年少時對於靚仔總系抱著「有殺錯無放過」嘅信念，不過人愈大就會更加明白「男人最怕入錯行，女人最怕嫁錯郎」嘅道理。嫁得唔好分分鐘激死多過病死，世上有好多種男人絕不能嫁，再靚仔都無用。1. 沒有上進心

講好啲就系冇上進心，難聽講句就系唔夠能力養家。雖然身於21世紀我地講梗男女平等，但養家嘅責任能夠反映一個人對家庭嘅承擔，人人都想生活更好，欠缺上流力嘅人還可看到更好嘅將來嗎？2. 擺大爺款

又要威又要戴頭盔，常以一個大男人主義秒殺你任何真理。我就系皇道嘅態度令人反胃，夫妻相處嘅尊重大概佢一世都未必學得明。3. 沒有優點，只有外表

婚姻講梗系幾十年嘅事情，餘生要同一個冇優點或才幹嘅花瓶溝通簡直是世紀嘅大災難，一日都嫌太多。更何況花無百日紅，假若愛情只建基於外在條件，外表總會有睇厭嘅一天，花容亦會隨年華逝去。4. 冇共同語言

夫妻與情侶關係嘅最大分別溝通嘅形式，結婚之後有更多事要共同面對同解決，如果每件事情總系需要花一論唇舌都未必能向對方解釋清楚，真系好疲倦好沒趣。5. 沒有孝心

孝蟹壞事做盡，但有一件事值得我地學習，就系孝順父母。如果身邊嘅伴侶連養大自己嘅父母都唔尊敬，更加唔洗講愛屋及烏嘞，唔識敬老嘅人仲有乜地方值得你愛？6. 討厭細路

唔洗要求男人一定要鐘意小朋友，但不至於討厭嘅情度。考慮婚後組織家庭嘅女士要注要嘞，男人如果婚前討厭細路，婚後也會如是。討厭小孩嘅人，善心一般都唔會見得好。7. 獨家村

獨行俠唔鐘意交友，活喺自己嘅圈子裡便能得到安心生活。婚後便希望你能融入佢嘅「二人世界」，漸漸地你會受佢嘅影響，正常社交將被吞噬，然後你又成為另一個獨家村。8. 不修邊幅

拍拖不久就開始不修邊幅，男神嘅比比鳥頭一去不返。證明啲乜？他對感情嘅熱度減退得極快，愛火好難撻返著。如果你系追求持久浪漫，唔可以接受冇花火嘅愛，咁就要惗清楚。9. 花心

恃靚行兇嘅花心蘿蔔註定你一世都騎佢唔著，如果兼格犯下以上任何幾點，包你嘔心嘔血。學羅家英在《西遊記》話齋「阿彌陀佛bye bye」，師主放生佢其實代表放生自己。

女士們檢查下自己嘅男朋友系咪咁，男士有則改之無則分享喇！