蘇民峰的3億投資傳奇

蘇民峰的3億投資傳奇蘇民峰是出名的「睇相佬」，逢人皆知；他是一個有錢人，亦已經不是新聞，但若不是上星期有一家買賣紅酒的經紀公司執笠，揭出其中大客蘇民峰買「酒花」唔見四百萬，也鮮有人知道，他除了靠睇相買鋪炒樓發達外，原來亦有投資買賣紅酒。本刊今期獨家專訪現年五十歲的蘇民峰，探究他各種以錢搵錢的投資心得，聽他細數如何由以砂糖夾麵包充饑，到今日坐擁逾三億資產的發達傳奇。蘇民峰現在一年飲約四十支靚紅酒，會買兩箱飲一箱，另一箱過一年後才賣出，賺差價便可抵銷飲一箱的費用。訪問當日，他隨手從家中拿了五支紅酒來，幾年前都以平均價三千元入貨，現在已升值至平均一萬五千元一支。蘇民峰十九歲入行做「超齡洗頭仔」，後在高級髮廊當過六年髮型師，期間他以業餘性質為客人分析風水命理。諗頭多多有現代賴布衣稱號的蘇民峰，八三年做髮型師時已開始睇風水，最初只是業餘性質到廟街擺檔，後來卻成為王菲等巨星的御用風水師，九十年代更變成街知巷聞的星級玄學家。不過，現時收天價五千元最低消費，睇一次面相的蘇民峰，因為多年前他已算出由○六年開始，自己會行十年衰運，故自此宣布半退休，睇風水已不再是他的正職。由○三年起，蘇民峰以手上三百萬元起家，投資買樓買股，身家現已暴升一百倍至近三億元。蘇民峰一向諗頭多多，投資並不只局限於買樓買股，基本上他對身邊任何有興趣的事都當投資。上星期，有紅酒代理商忽然結業，便揭出原來他也有從事買「酒花」活動。去年，蘇民峰入住新裝修的日本北海道二世古Vale酒店，發現它位於該區最好的位置，看好它有升值的潛力，所以便拍板買入一個單位。蘇民峰對Vale酒店愈住愈愛，於是便以約八百六十萬港元，買下一個千呎的單位，他說貪該酒店「推開房門就可滑雪」喎。本刊到蘇民峰辦公室作訪問，他劈頭一句便即顯示其樂觀性格，雖然幾百萬投資凍過水，他卻說：「系呀，原本幫襯開啲大公司買酒，點知有個客嚟睇相，諗住同佢買嚇，咁就瀨嘢。○八年時啲『酒花』好平，我買咗八十二萬，以法國酒Lafite為主，第一批貨一支賣一千七百九十九元，依家起到萬六；如果今年三月收酒後，我即刻賣出，應該可以賣到四百萬。不過，前兩日間代理啲員工返工，先發覺聯絡唔到老闆，依家睇嚇佢系商業詐騙定真系公司經營唔到要執。若然倒閉，咁我啲酒應該重喺度。
推薦閱讀：