關公大戰穆罕默德

陳玉笥，濟寧人。嗰度有個文昌閣，後來變左關夫子廟。關廟後面又有間回教淸眞寺。

崇禎十六年（1643年）八月，玉笥岩岩考完公開試，諗住搞眾籌，翻新關廟，將成間關廟拆左再起過。

嗰陣有條回教仆街楊生花，眼紅人地關廟塊地靚，就帶住幾百條蛋散，拆人地基、毀人樑柱、趕走埋翻新關廟既工人，諗住搞逆權侵佔。係呀，無計啦，無論過幾多個百年，中國人都係咁上下仆街架啦。

拜得關二哥就梗係有無限正氣。條傻仔陳玉笥帶埋成班兄弟去報官，官就話最緊要和平理性非暴力非粗口，叫佢快啲起好間廟就算。

另一邊廂，楊生花見到陳玉笥報官，心諗：屌你咩，報警捻。

有晚佢攞三百金送畀陳玉笥，叫佢唔好阻頭阻勢。

陳玉笥就梗係唔肯啦。

嗱，頭先講左，楊生花雖然信回教，但始終係中國人，明白錢解決唔到既人，就直接解決佢既道理。

當時明朝就黎玩完，十月，楊生花搞起事，順便算算舊帳，帶百零條蛋散搵陳玉笥，圍毆佢、剃佢鬚、喂佢食屎、劈佢塊面、體無完膚。

有人仲話：佢雙眼仲喺度，整捻盲埋佢。之後就挖埋佢雙眼，掉落河、再用魚尾加鹽醃佢對眼。

殺左人係會有啲心虛，為左企返喺道德高地，楊生花買起個盲人，叫佢老屈陳玉笥殺左人，諗住順便將成族姓陳既殺哂。

陳家都知大獲，人就走得切，但係家產就冚家剷了。嗰陣陳玉笥都算硬凈，仲未死得，家人就擺佢上暖炕度，灌佢飲湯，準備做隻飽鬼。

夜半，陳玉笥忽然醒左，見到個好高大既人，著綠衫攞住杯酒同佢講：唔好驚，我係黎救你既，飲左哩杯酒就唔洗死啦。

陳生夾硬飲左佢，吞落喉嚨仲喀喀聲。

家人覺得奇怪，就去睇下發生咩事，見到陳生放左成盆血，有返少少意識。

第二晚，又有個著藍衫戴頭巾既，好有型，推門直入，直接催陳生起身話：我黎醫你。你腦入面既死血，要倒哂出黎先有命。之後就大大力打陳生後腦，雙眼噴血噴到噴泉咁，陳生就無咁頭痛了。

第三晚，又有個阿婆，喂陳生食杏、李，仲攞住羊眼，拍埋佢眼眶度。

之後陳生突然睇到野了，過兩日就同正常一樣。

成個濟寧既人都好驚訝，楊生花就更加嚇到瀨屎，將之前買通嗰個盲人殺左當無事發生過。陳生被人打獲金，唔通仲走去報官，學人相信法治咩。

過多年，1644，明朝正式玩完。楊生花哩啲搞起事既，就被人抄家滅族，市斬、刳眼、剖心、碎屍。距離陳生被人打既時間，只係八個月喳。

又下一年，1645，陳氏兄弟過到鄉試，有晚夢到關二哥。之後就有人攞封信畀佢：

東畔方生耳，草頭八血全。一夕三人卧，門內阭八天。

老翁成羽化，黒犬右人牽。耳邊絲亂墜，禾斗永相連。

封信一攞左，個送信人就消失了。

後來先知係字謎黎，解做：陳益修關公默佑聯科。陳益修即係陳玉笥，佢姓陳名益修字玉笥。1646年，陳玉笥考中科舉，而家係戶部阿頭。我喺北京見過佢呀，佢對眼真係羊眼黎。

翻譯自清代 徐岳《見聞録》卷四

陳玉笥[1]，濟寜人。州有文昌閣，後易為關夫子廟。廟後為囘敎淸眞寺。

崇禎癸未秋八月，玉笥方為諸生[2]，醵貲[3]重新關廟。旣拆卸，囘教楊生花等計奪廟拓寺，紏黨數百，拆基毀木逐工。訟於官，指重修為新建，且傷寺工，以罷神人交恫[4]。

玉笥義形於色，率兄弟諸友鳴官，案令速葢，楊患之。夜持三百金餽陳，陳正色拒絕，計無復施，遂起害陳之心矣。

時兗郡新破，冬十月，生花等乘變，鳩黨百餘截陳。叢撻之，髠其鬚、糞其口、劈其面，體無完膚。其一曰：是目尙存，去目廢人，終莫予毒。遂刳雙睛，擲於河，鹽以?[5]，仍謀預買瞽者，詐稱劉囘囘誘至陳家撲殺之。指陳實殺瞽，欲盡滅陳氏。陳家先避，得免。然室貲抄掠盡矣。陳且斃，家人抬置炕上，灌以湯。

夜半忽甦見一大人，綠繡衣持巵酒曰：母[6]畏，我來救子，飮此酒可活。強飮之，咽下喀喀有聲。家人驚怪，遂下血盆，餘神少定。

次夜，見一藍衣唐巾，飄若仙流，排闧入。趣[7]陳速起曰：吾來醫子，腦中死血，傾岀方可活。遂擊腦後痛甚，雙目噴血如注，而頭痛頗止。

次夜，又見一老嫗，食以杏李，手授羊眼，盈把陳捧接二眼將墜吞之，忽兩目漸明，越數日，瞻視如初。州里詫異，楊亦驚服，自埋瞽者，陳置之不較也。

明年甲申，生花等以亂故弄兵，一族十三人俱戮於市，刳眼、剖心、碎屍、囘計陳被害時，八閱月耳。

乙酉，陳兄弟雋於鄉，關夫子先語之夢。未幾，或投之書曰：

東畔方生耳，草頭八血全。一夕三人卧，門內阭八天。

老翁成羽化，黒犬右人牽。耳邊絲亂墜，禾斗永相連。

書投，其人忽失所在，後解曰：陳益修關公默佑聯科。益修葢其諱雲。丙戍登第，今方任戸部主事。余於都中晤之，其目實羊睛也。