辦婚禮也有詐

喱件事係我睇《濯纓亭雜記》知既。正德年間，首都有家人姓王，好捻有錢。王家個仔準備娶孫家個女，咁準備娶啦，個仔病，痴線死埋，就咁成世做處男。

王家又仆街呀，死左個仔，就即刻擔心自己啲聘禮會被孫家食埋，所以唔搞喪事，廢事被孫家知，依舊叫媒人問孫家幾時行禮結婚。孫家消息靈通，知道有古惑，咪同你玩大佢囉，婚照結。

結婚當日，王家叫個女去扮男人迎親，孫家亦叫個姪仔去扮女人行禮。

王家諗住，兩個女仔，最多都係磨下豆腐姐。點知個女見到人地個姪仔，就將人「那個」了唷。唉，千算萬算。

首都既俗例，就係結婚三日，夫婦同歸夫家。所以王家個女就成為了孫家既人了。搞左咁耐，王生先知自己係被昆嗰個，不過個女隻豬都畀人食左啦。嫁女仲要送埋聘禮，王生條氣唔順，咪報官囉。最後兩家都係罰詐騙罪，各打五十大板，SUPER~。王家個女做左孫家新抱，咁孫家個女咪嫁返去王家囉。喺老千古仔之中，哩單都算新奇有趣難度高，所以要記低佢。

翻譯自 清代 褚人穫《堅瓠集》秘集卷四

濯纓亭雜記 [2]。正德間，都下王某家甚富。其子聘孫氏女為婦，將婚，子病，癔 [3] 死。恐孫氏匿其聘，則秘不發?，詐令媒?請期。女家覺其詐，佯許之。

至親迎日，王以其女偽作男子徃 [4] 迎。孫氏亦令其姪偽作女子隨行成禮。王意兩女共一室，了無他疑。不意少女與少男相悅，而私成配偶矣。

都下民俗，成婚三日，婿與婦同歸父母家。孫氏遂留王氏女於家，王某方悟反受其欺，已無及矣。訟於官，兩家各當坐詐罪。王氏女旣為孫姪之婦，而以孫氏之女亦歸王氏之婦。一時盛誆，以為奇事。