用尿煉丹

04-25

冬至之後，自己一個住，清心寡慾，唔好打丁。試下吸返自己既鼻涕，用黎「朗」口，「朗」到有甜味出，再吞返落肚。

之後搵三十個有蓋磁桶，痾尿落去。痾完就掩蓋，寫返低邊日痾，一至三十。再搵間乾凈房，叫個傻仔幫你守住啲尿。

等夠三十日，正呀喂，間房應該同陳寶珊一樣咁香。到時，你打開磁桶蓋睇，應該會見到有層細砂浮下浮下，可能黃色，可能紅色，視乎你有幾重口味，再搵對絲襪過濾。

過濾之後，用新打返黎既水，沖乾凈啲尿砂，衝到無尿味，再搵個瓷瓶儲埋佢。

夏至之後攞返出黎，磨成粉，加啲棗泥整到桐子咁大，空肚送酒吞，中意可以食多幾粒，總之就要三五日內食哂佢。

夏至既時候，可以用同方法整，等到冬至再食。

哩啲叫陽丹陰煉，煉既時候，唔打得飛機，你一打啲尿就唔起砂架啦。

翻譯自蘇軾《東坡志林》卷一

冬至後齋居，嘗吸鼻液，漱煉令甘，乃嚥下丹田。

以三十磁器，皆有蓋，溺其中。已，隨手蓋之。書識其上，自一至三十。置凈室，選謹朴者守之。滿三十日，開視其上，當結細砂，如浮蟻狀，或黃或赤，密絹帕濾。取新汲水凈，淘澄無數，以穢氣盡為度，凈瓷瓶合貯之。

夏至後，取細研棗肉丸如桐子大，空心酒呑下，不限丸數，三五日後取盡。夏至後，仍依前法，採取卻候冬至後服。此名陽丹陰煉，須淸凈絕慾。若不絕慾，真砂不結。