2【閩南語歌歌詞】正字歌詞附註音--第2組
分組曲目：
11/《勸世歌》劉福助
12/《一生只有你》蔡小虎
13/《春天佇佗位》林妍希/詹惠雯
14/《媽媽的願望》王瑞霞
15/《花芳》江蕙
16/《翁親某親老公婆仔拋捙輪》劉福助
17/《思慕的人》洪一峰
18/《碎心戀》方瑞娥
19/《送君珠淚滴》丁黛
20/《阮毋知啦》方瑞娥
總曲目請見→ 閩南語歌，附帶逐字注音歌詞之曲目
若有任何問題，也煩請集中在總曲目處提出。謝謝！
---
11/《勸世歌》Khuàn-sè-kua
劉福助 Lau Hok-tsōo
-------------------------------
我來唸歌囉
guá lai liām kua--loh
欲予恁聽啊哩
beh hōo lín thiann--ah-lih
毋免閣共恁抾鐳啊
m?-bián koh kā lín khioh lui--ah
恁著免著驚啊喂
lín tio?h bián tio?h-kiann--ah-uê
講勸咱做人
kóng kh?g lán tsò-lang
閣啊著端正
koh ah tio?h tuan-tsìann
虎死留皮啊
hóo sí lau phuê--ah
人留名喂
lang lau mia--uê
講到當今囉的世界哩
kóng kàu tong-kim--loh ê sè-kài--lih
鳥為食亡啊
niáu uī si?t b?ng--ah
人為財啊喂
lang u? tsai--ah-uê
閣想真做人
koh siūnn tsin tsuè-lang
閣著海海
koh tio?h hái-hái
死將何去嘛
sí tsiong h? khì--mah
生何來哩
sing h? lai--lih
咿咿咿啊
i-i-i--ah
咱來出世啊
lán lai tshut-sì--ah
無半項哩
b?-puànn-hāng--lih
轉去雙手啊
tńg-khì siang-tshiú--ah
又空空啊喂
iū khang-khang--ah-uê
閣踮在世間
koh tiàm tsāi sè-kan
像若眠夢
tshiūnn-nā b?n-bāng
轉了江山讓別人啊喂
tńg liáu kang-san niū pa?t-lang--ah-uê
做人道德囉
tsuè-lang tō-tik--loh
愛著守哩
ài-tio?h siú--lih
榮華富貴啊
?ng-hua hù-kuì--ah
難得求啊喂
lan-tit ki?--ah-uê
閣毋通貪求
koh m?-thang tham-ki?
欲財子壽
beh tsai, tsú, siū
萬事著開化
bān-sū tio?h khai-huà
免憂愁哩 咿咿咿啊
bián iu-tshi?--lih, i-i-i--ah
勸咱朋友囉
kh?g lán p?ng-iú--loh
著做好哩
tio?h tsuè hó--lih
世間暫時啊
sè-kan tsiām-s?--ah
來??迌啊喂
lai tshit-th?--ah-uê
閣做好做?
koh tsuè-hó tsuè-bái
是攏有報
sī lóng ū pò
天理昭昭啊
thian-lí tsiau-tsiau--ah
毋是無啊喂
m?-sī b?--ah-uê
聽歌若有囉
thiann kua nā ū--loh
彼號作田人哩
hit-lō tsoh-tshan-lang--lih
轉去互恁啊
tńg-khì hōo lín--ah
好收冬啊喂
hó siu-tang--ah-uê
閣有人坐船欲出外港
koh ū-lang tsē-ts?n beh tshut guā-káng
予恁順風一片帆啊喂
hōo lín sūn-hong it-phiàn-phang--ah-uê
世間的事業囉
sè-kan ê sū-gia?p--loh
有百百款哩
ū pah-pah-khuán--lih
良心做事啊
li?ng-sim tsuè-sū--ah
咱著免操煩啊喂
lán tio?h bián tshau-huan--ah-uê
閣事事佮人閣會完滿
koh sū-sū kah lang koh ē uan-buán
予恁囝孫仔
hōo lín kiánn-sun-á
代代出狀元哩 咿咿咿啊
tāi-tāi tshut tsiōng-guan--lih, i-i-i--ah
----------------------------
→ https://www.youtube.com/watch?v=68RWoPVadhw
============================
12/《一生只有你》It-sing Tsí-ū Lí
蔡小虎 Tshuà Sió-hóo
-----------------------
我的淚因為你
guá ê luī in-uī lí
變成上光彼粒星
piàn-s?ng siōng kng hit-lia?p tshinn
我的心因為你
guá ê sim in-uī lí
才有溫暖的冬天
tsiah ū un-luán ê tang-thinn
你的情為著我
lí ê ts?ng uī-tio?h guá
甘願食苦毋想甜
kam-guān tsia?h-khóo m? siūnn tinn
你一生我一生
lí it-sing, guá it-sing
回頭看過去
huê-thau khuànn kuè-khì
路是遮爾媠
lōo sī tsiah-nī suí
你一張我一張
lí tsi?t-tiunn, guá tsi?t-tiunn
退色的相片
thè-sik ê siòng-phìnn
有美麗的記持
ū bí-lē ê kì-t?
啥人甘先離開
siánn-lang kam sing lī-khui
一生只有你
it-sing tsí-ū lí
會當原諒我的脾氣
ē-tàng guan-liōng guá ê ph?-khì
一生只有你
it-sing tsí-ū lí
會當體貼我的傷悲
ē-tàng thé-thiap guá ê siong-pi
為啥物 為啥物
uī-siánn-mih, uī-siánn-mih
等甲你無喘氣
tán-kah lí b? tshuán-khuì
一句我愛你
tsi?t-kù guá ài lí
才甘願講出喙
tsiah kam-guān kóng tshut-tshuì
為啥物 為啥物
uī-siánn-mih, uī-siánn-mih
袂當予我的命換你
bē-tàng hōo guá ê miā uānn lí
地獄天堂我先去
tē-ga?k thian-t?ng guá sing khì
------------------------------------------
→https://www.youtube.com/watch?v=4MT6aoUexSc
==========================
13/《春天佇佗位》Tshun-thinn tī Tó-uī
林妍希L?m Gián-hi
詹惠雯Tsiam Huī-b?n
-----------------------------------------
春天佇佗位
tshun-thinn tī tó-uī
我去問花蕊
guá khì mn?g hue-luí
花蕊講伊才睏醒
hue-luí kóng i tsiah khùn-tshínn
叫我去問露水
kiò guá khì mn?g lōo-tsuí
春天佇佗位
tshun-thinn tī tó-uī
我去問露水
guá khì mn?g lōo-tsuí
露水講伊咧曝日
lōo-tsuí kóng i teh pha?k-ji?t
叫我問白翎鷥
kiò guá mn?g pe?h-līng-si
春天佇佗位
tshun-thinn tī tó-uī
我問白翎鷥
guá mn?g pe?h-līng-si
白翎鷥講水牛咧等伊
pe?h-līng-si kóng tsuí-g? teh tán i
叫我去問貓咪
kiò guá khì mn?g niau-b?
叫我去問貓咪
kiò guá khì mn?g niau-b?
春天佇佗位
tshun-thinn tī tó-uī
我去問貓咪
guá khì mn?g niau-b?
貓咪直哈唏
niau-b? ti?t hah-hì
紲來閣洗面
suà lai koh sé-bīn
叫我去問阿弟
kiò guá khì mn?g a-tī
春天佇佗位
tshun-thinn tī tó-uī
我去問阿弟
guá khì mn?g a-tī
阿弟目睭笑微微
a-tī ba?k-tsiu tshiò-b?-b?
原來春天佇遮覕
guan-lai tshun-thinn tī tsia bih
原來春天佇遮覕
guan-lai tshun-thinn tī tsia bih
原來春天佇遮覕
guan-lai tshun-thinn tī tsia bih
-----------------------------------------
→ https://www.youtube.com/watch?v=8acm6tRoyvA
============================
14/《媽媽的願望》Má-mah ê Guān-bōng
王瑞霞 ?ng Suī-ha
--------------------------------
黃昏的故鄉
h?ng-hun ê kòo-hiong
佮媽媽的形影
kah má-mah ê h?ng-iánn
永遠印在阮心肝
íng-uán ìn tsāi gún sim-kuann
孤女的願望
koo-lú ê guān-bōng
佮媽媽的歌聲
kah má-mah ê kua-siann
予阮認真咧拍拚
hōo gún jīn-tsin teh phah-piànn
毋免貪心
m?-bián tham-sim
做人愛公正
tsuè-lang ài kong-tsiànn
萬事攏有天咧看
bān-sū lóng ū thinn teh khuànn
只要認真
tsí-iàu jīn-tsin
免驚外歹命
bián-kiann guā pháinn-miā
天公一定會疼戇囝
thinn-kong it-tīng ē thiànn gong-kiánn
媽媽的向望
má-mah ê ?g-bāng
只有希望阮平安
tsí-ū hi-bāng gún p?ng-an
毋管最後好額抑散赤
m?-kuán tsuè-āu hó-gia?h ia?h sàn-tshiah
媽媽永遠會疼命命
má-mah íng-uán ē thiànn-miā-miā
毋管最後好額抑散赤
m?-kuán tsuè-āu hó-gia?h ia?h sàn-tshiah
媽媽永遠會疼命命
má-mah íng-uán ē thiànn-miā-miā
-----------------------------
→ https://www.youtube.com/watch?v=ixw-J8_LqX8
===========================
15/《花芳》Hue-phang
江蕙 Kang Huī
-------------------------------
離開彼一暗
lī-khui hit tsi?t-àm
會記得故鄉的花芳
ē kì-tit kòo-hiong ê hue-phang
微微仔天未光
b?-b?-á thinn buē kng
伊就起床來顧花欉
i tiō khí-tshn?g lai kòo hue-tsang
毋捌一句怨歎
m?-bat tsi?t-kù uàn-thàn
育阮大漢
io gún tuā hàn
毋甘阮在異鄉
m?-kam gún tsāi ī-hiong
予風雨淋
hōo hong-hōo lam
離塗的花欉
lī-th?o ē hue-tsang
為一個夢
uī tsi?t-ê bāng
人茫茫
j?n bang-bang
海也茫茫
hái iā bang-bang
伊恬恬咧等
i tiām-tiām teh tán
阮轉來彼工
gún tńg--lai hit kang
花蕊漸漸紅
hue-luí tsiām-tsiām ang
伊恬恬咧等
i tiām-tiām teh tán
看無伊的人
khuànn b? i ê lang
像海上船仔揣無帆
tshiūnn hái-siōng ts?n-á tshuē b? phang
行過遮濟冬
kiann kuè tsiah tsuē tang
嘛看透人情的冷暖
mā khuànn thàu j?n-ts?ng ē líng-luán
故鄉彼條小巷
kòo-hiong hit tiau sió-hāng
如今猶原
j?-kim iu-guan
無仝是阮轉去
b?-kāng sī gún tńg--khì
伊無咧等
i b? teh tán
無人惜花欉
b? lang sioh hue-tsang
花哪會芳
hue ná ē phang
世間阿母
sè-kan a-bú
攏仝款
lóng kāng-khuán
伊恬恬咧等
i tiām-tiām teh tán
阮轉來彼工
gún tńg--lai hit kang
花蕊漸漸紅
hue-luí tsiām-tsiām-ang
伊已經遙遠
i í-king iau-uán
啥人咧叫著我
siánn-lang teh kiò-tio?h guá
敢是阿母的聲
kám sī a-bú ê siann
親像故鄉不時咧叫我
tshin-tshiūnn kòo-hiong put-s? teh kiò guá
伊袂閣等佇遐
i buē koh tán tī hia
毋敢來哭出聲
m? kánn lai khàu tshut siann
叫阮寶貝心肝
kiò gún pó-puè sim-kuann
有閒著緊轉來看我
ū-?ng tio?h kín tńg--lai khuànn guá
伊恬恬咧等
i tiām-tiām teh tán
阮轉來彼工
gún tńg--lai hit kang
花蕊漸漸紅
hue-luí tsiām-tsiām ang
伊已經遙遠
i í-king iau-uán
啦~ 啦~
lah~ lah~
花蕊漸漸紅
hue-luí tsiām-tsiām ang
伊已經遙遠
i í-king iau-uán
----------------------------
→ https://www.youtube.com/watch?v=dYctzAnQcHQ
=============================
16/《翁親某親老公婆仔拋捙輪》Ang Tshin Bóo Tshin Lāu-kong-p?-á Pha-tshia-lin
劉福助Lau Hok-tsōo
---------------------------------------------
少年痟娶某
siàu-lian siáu tshuā-bóo
哎唷~無某真艱苦
aih-iooh, b? bóo tsin kan-khóo
凊凊彩彩娶一個某
tshìn-tshìn-tshái-tshái tshuā tsi?t-ê bóo
人講一個某
lang kóng tsi?t-ê bóo
較好三個天公祖
khah hó sann ê Thinn-kong-tsóo
哎唷~愛某媠
aih-iooh, ài bóo suí
共某捀面桶水
kā bóo phang bīn-tháng-tsuí
愛某白
ài bóo pe?h
共某洗跤腿
kā bóo sé kha-thuí
人講驚某大丈夫
lang kóng kiann-bóo tāi-tiōng-hu
拍某是豬狗牛
phah-bóo sī ti, káu, g?
聽某喙會大富貴
thiann bóo tshuì ē tuā hù-kuì
看某媠
khuànn bóo suí
無酒嘛天天醉
b? tsiú mā thian-thian tsuì
愛某驚某苦
ài bóo kiann bóo khóo
三頓雞鴨共某補
sann t?g ke ah kā bóo póo
毋驚老母勞
m?-kiann lāu-bú l?
放老母做老婆
pàng lāu-bú tsuè lāu-p?
哎唷~翁親某親是公婆仔拋捙輪
aih-iooh, ang tshin bóo tshin sī kong-p?-á pha-tshia-lin
人講飼某無論飯
lang kóng tshī bóo b? lūn pn?g
飼爸母就算頓
tshī pē-bú tiō s?g t?g
好魚好肉是捀去囥
hó h? hó bah sī phang khì kh?g
菜脯根仔來罔過頓
tshài-póo kin-á lai bóng kuè t?g
飼某飼甲肥朒朒
tshī bóo tshī-kah pu?-tsut-tsut
飼爸母飼甲賰一枝骨
tshī pē-bú tshī-kah tshun tsi?t-ki kut
毋通細漢爸母生
m?-thang sè-hàn pē-bú sinn
大漢變某生
tuā-hàn piàn bóo sinn
毋通細漢母仔囝
m?-thang sè-hàn bú-á-kiánn
大漢變成某的囝
tuā-hàn piàn-s?ng bóo ê kiánn
我勸懵懂少年家
guá kh?g bóng-tóng siàu-lian-ke
至親爸母是咱的
tsì-tshin pē-bú sī lán--ê
翁親某親是爸母應該閣較親
ang tshin bóo tshin sī pē-bú ìng-kai koh-khah tshin
毋通放老公婆仔咧拋捙輪
m?-thang pàng lāu-kong-p?--á leh pha-tshia-lin
---------------------------------------------------------------
→ https://www.youtube.com/watch?v=-aUOM1NWbDo
========================
17/《思慕的人》Su-bōo ê Lang
洪一峰?ng It-hong
-----------------------------------
我心內思慕的人
guá sim-lāi su-bōo ê lang
你怎樣離開
lí tsuánn-iūnn lī-khui
阮的身邊
gún ê sin-pinn
叫我為著你
kiò guá uī-tio?h lí
每日心稀微
muí-ji?t sim hi-b?
深深思慕你
tshim-tshim su-bōo lí
心愛的
sim-ài--ê
緊轉來
kín tńg-lai
緊轉來阮身邊
kín tńg-lai gún sin-pinn
有看見思慕的人
ū khuànn-kìnn su-bōo ê lang
踮在阮夢中
tiàm-tsāi gún bāng-tiong
難分難離
lan hun lan lī
引我對著你
ín guá tuì-tio?h lí
更加心綿綿
kìng-ka sim m?-m?
茫茫過日子
bang-bang kè ji?t-tsí
心愛的
sim-ài--ê
緊轉來
kín tńg-lai
緊轉來阮身邊
kín tńg-lai gún sin-pinn
好親像思慕的人
hó-tshin-tshiūnn su-bōo ê lang
優美的歌聲
iu-bí ê kua-siann
擾亂阮耳
jiáu-luān gún hīnn
動我想著你
tāng guá siūnn-tio?h lí
溫柔好情意
un-ji? hó ts?ng-ì
聲聲叫著你
siann-siann kiò-tio?h lí
心愛的
sim-ài--ê
緊轉來
kín tńg-lai
緊轉來阮身邊
kín tńg-lai gún sin-pinn
--------------------------------
→ https://www.youtube.com/watch?v=-6sguO9c73g
================================================
18/《碎心戀》Tshuì Sim Luan
方瑞娥 Png Suī-ng?o
-----------------------------------
明知袂當來做堆
b?ng-tsai buē-tàng lai tsuè-tui
偏偏才來愛著你
phian-phian tsiah lai ài-tio?h lí
事到如今欲怎樣
sū kàu j?-kim beh tsánn-iūnn
阮也毋敢做主張
gún iā m?-kánn tsuè tsú-tiunn
你的真情佮真意
lí ê tsin-ts?ng kah tsin ì
永遠毋敢放袂記
íng-uán m?-kánn pang-buē-kì
今日才知離開你
kim-ji?t tsiah tsai lī-khui lí
真是痛苦的代誌
tsin sī thòng-khóo ê tāi-tsì
明知佮你無緣份
b?ng-tsai kah lí b? ian-hūn
心內為你亂紛紛
sim-lāi uī lí luān-hun-hun
怨嘆自己歹命運
uàn-thàn tsū-kí pháinn-miā-ūn
忍著痛苦含喙脣
jím-tio?h thòng-khóo kam tshuì-t?n
你也毋知阮身份
lí iā m?-tsai gún sin-hūn
一直對阮來求婚
it-ti?t tuì gún lai ki?-hun
叫阮怎樣來允准
kiò gún tsánn-iūnn lai ún-tsún
愈想心肝愈憂悶
jú siūnn sim-kuann jú iu-būn
你是有錢有地位
lí sī ū-ts?nn ū tē-uī
阮是守寡有囝兒
gún sī tsiú-kuá ū kiánn-j?
明明知影配袂起
b?ng-b?ng tsai-iánn phuè bē khí
決心佮你拆分離
kuat-sim kah lí thiah hun-lī
轉來故鄉看囝兒
tńg-lai kòo-hiong khuànn kiánn-j?
心內猶原思念你
sim-lāi iu-guan su-liām lí
叫阮怎樣活落去
kiò gún tsánn-iūnn ua?h lo?h-khì
傷心目屎點點滴
siong-sim ba?k-sái tiám-tiám tih
--------------------------------------
→ https://www.youtube.com/watch?v=iJsvohVYONE
===========================================
19/《送君珠淚滴》Sàng Kun Tsu-luī Tih
丁黛 Ting Tāi
-----------------------------------------
一路送君到車站
tsi?t-lōo sàng kun kàu tshia-tsām
兩人情份毋甘放
nn?g lang ts?ng hūn m?-kam pàng
依依難捨心情重
i-i-lan-siá sim-ts?ng tāng
煞來目箍紅
suah lai ba?k-khoo ang
望君真心相疼痛
bāng kun tsin-sim sio thiànn-thàng
為君守空房
uī kun tsiú khang-pang
咱情意毋通袂記
lán ts?ng-ì m?-thang buē-kì
我是你的人
guá sī lí ê lang
兩人離別越頭看
nn?g lang lī-pia?t ua?t-thau khuànn
點點珠淚滴袂煞
tiám-tiám tsu-luī tih buē suah
親像真珠拍斷線
tshin-tshiūnn tsin-tsu phah-tn?g suànn
傷心送情伴
siong-sim sàng ts?ng-phuānn
為國服務著出外
uī kok ho?k-bū tio?h tshut-guā
甘願來拖磨
kam-guān lai thua-bua
在軍中著愛保重
tsāi kun-tiong tio?h-ài pó-tiōng
毋通受風寒
m?-thang siū hong-kuann
三聲無奈愛分開
sann siann b?-nāi ài hun-khui
我是堅心咧愛你
guá sī kian-sim teh ài lí
真心堅情才應該
tsin-sim kian-ts?ng tsiah ìng-kai
寫批予我知
siá phue hōo guá tsai
為君私情暗悲哀
uī kun su-ts?ng àm pi-ai
期待倒轉來
k?-thāi tò-tńg--lai
阮毋管三年五載
gún m?-kuán sann-n?-gōo-tsài
也是欲等待
iā-sī bueh tán-thāi
----------------------------------------
→ https://www.youtube.com/watch?v=Wtm3iY_tYZI
=================================
20/《阮毋知啦》Gún m?-tsai--lah
方瑞娥 Png Suī-ng?o
-----------------------------------
彼時約束啊~
hit-s? iok-sok--ah~
雙人無失信
siang-lang b? sit-sìn
近來言語啊~
kīn-lai gian-gí--ah~
煞來無信憑
suah lai b? sìn-p?n
冷淡態度
líng-tām thāi-tōo
親像無要無緊
tshin-tshiūnn b?-iàu-b?-kín
你敢是
lí kám-sī
你敢毋是
lí kám m?-sī
去揣著新愛人
khì tshuē-tio?h sin ài-j?n
啊~ 阮毋知啦
ah~ gún m?-tsai--lah
阮毋知啦
gún m?-tsai--lah
總無放舊去揣新
tsóng b? pàng kū khì tshuē sin
近來講話啊
kīn-lai kóng-uē--ah
大聲細聲應
tuā-siann suè-siann ìn
愛情戀夢啊
ài-ts?ng luan-bāng--ah
漸漸變無親
tsiām-tsiām piàn b?-tshin
不明不白
put-b?ng put-pi?k
因何僥心反面
in h? hiau-sim huán-bīn
你敢是
lí kám-sī
你敢毋是
lí kám m?-sī
揣著新愛人
tshuē-tio?h sin ài-j?n
啊~ 阮毋知啦
ah~ gún m?-tsai--lah
阮毋知啦
gún m?-tsai--lah
總無放舊去揣新
tsóng b? pàng kū khì tshuē sin
春天花蕊啊
tshun-thinn hue-luí--ah
為春開了盡
uī tshun khui liáu tsīn
十八少年啊
tsa?p-pueh siàu-lian--ah
為你用心神
uī lí iōng sim-s?n
怎樣這款
tsuánn-iūnn tsit khuán
全無同情憐憫
tsuan b? t?ng-ts?ng l?n-bín
你敢是
lí kám-sī
你敢毋是
lí kám m?-sī
揣著新愛人
tshuē-tio?h sin ài-j?n
啊~ 阮毋知啦
ah~ gún m?-tsai--lah
阮毋知啦
gún m?-tsai--lah
總無放舊去揣新
tsóng b? pàng kū khì tshuē sin
----------------------------------------
→ https://www.youtube.com/watch?v=rC7r46IGy28
=======================================
推薦閱讀：