132【閩南語歌歌詞】正字歌詞附註音--第132組
分組曲目：
1311/《心借過》蔡小虎
1312/《你是我的心肝寶貝》鄭進一/曾心梅
1313/《只要有你踮身邊》辦桌阿傑/王羚柔
1314/《情深深夢重重》蔡粢蟬
1315/《只有再會》蔡粢蟬
1316/《酒國戀情》蔡粢蟬
1317/《愛愈遠愈重》邱凱偉
1318/《愛你一個人》邱凱偉
1319/《春風偷偷講》林予晞
1320/《想你彼一暝》宋健彰
總曲目請見→ https://zhuanlan.zhihu.com/p/31917487
＋總曲目 II→ 閩南語歌，附帶逐字注音歌詞之總曲目 II
若有任何相關提問，也煩請儘量集中在總曲目處提出。謝謝！
---
1311/《心借過》Sim Tsioh-kuè
蔡小虎 Tshuà Sió-hóo
------------------------------------------
情難斷
ts?ng lan tn?g
愛難放
ài lan pàng
陣陣憂愁
tsūn-tsūn iu-tshi?
更加添心煩
kīng ka-thiam sim huan
愛一人
ài tsi?t-lang
情過一關
ts?ng kuè tsi?t-kuan
情關難過
ts?ng-kuan lan kuè
心愈亂
sim jú luān
情難離
ts?ng lan l?
理還亂
lí huan luān
陣陣海風
tsūn-tsūn hái-hong
吹雲煙不散
tshue h?n-ian put sàn
愛一人
ài tsi?t-lang
我過千關
guá kuè tshian-kuan
身騎白馬
sin khia pe?h-bé
也只過三關
iā tsí kuè sam-kuan
為怎樣啊
uī tsuánn-iūnn--ah
傷我千萬回
siong guá tshian-bān huê
叫我的心借你過
kiò guá ê sim tsioh lí kuè
又閣一回
iū-koh tsi?t-huê
傷我千萬遍
siong guá tshian-bān piàn
愛纏綿
ài t?nn-m?
變成苦受罪
piàn-s?ng khóo siū-tsuē
我的心
guá ê sim
借你過
tsioh lí kuè
雨過風吹
hōo kuè hong tshue
猶原痴迷
iu-guan tshi-bê
------------------------------------------
→https://www.youtube.com/watch?v=4FTt8HYJ1os
========================================
1312/《你是我的心肝寶貝》Lí Sī Guá ê Sim-kuann Pó-puè
鄭進一 Tēnn Tsìn-it
曾心梅 Tsan Sim-mu?
------------------------------------------
男)
我有一句心內話
guá ū tsi?t-kù sim-lāi uē
一直囥佇心肝底
it-ti?t kh?g tī sim-kuann té
揣無一個好機會
tshē-b? tsi?t-ê hó ki-huē
予你知影
hōo-lí tsai-iánn
我愛你愛偌濟
guá ài lí ài guā-tsē
女)
我嘛有一句心內話
guá mā ū tsi?t-kù sim-lāi uē
欲講又閣驚歹勢
beh kóng iū-koh kiann pháinn-sè
既然愛你
kì-jian ài lí
只有對你坦白
tsí-ū tuì lí thán-pe?h
我最愛你一個
guá tsuè ài lí tsi?t-ê
合)
你是我的心肝寶貝
lí sī guá ê sim-kuann pó-puè
男)
愛你一生無反悔
ài lí it-sing b? huán-hué
毋免山盟
m?-bián san-b?ng
毋免海勢
m?-bián hái-sè
我會陪你到最後一歲
guá ē puê lí kàu tsuè-āu tsi?t-huè
合)
你是我的心肝寶貝
lí sī guá ê sim-kuann pó-puè
女)
你去佗
lí khì tueh
我就綴你去佗
guá tiō tè lí khì tueh
你是蝴蝶
lí sī ?o-tia?p
我是花
guá sī hue
男)
我會佮你
guá ē kah lí
女)
我會陪你
guá ē puê lí
合)
同齊飛
tang-tsê pue
------------------------------------------
→https://www.youtube.com/watch?v=_VlPKr67Zjg
========================================
1313/《只要有你踮身邊》Tsí-iàu ū Lí Tiàm Sin-pinn
辦桌阿傑 Pān-toh A-kia?t
王羚柔 ?ng L?ng-ji?
------------------------------------------
女)
我的心內
guá ê sim-lāi
藏著真濟代誌
tshàng tio?h tsin tsē tāi-tsì
攏是我毋捌對你講的秘密
lóng-sī guá m?-bat tuì lí kóng ê pì-bi?t
男)
你的頭鬃
lí ê thau-tsang
芳芳的氣味
phang-phang ê khì-bī
我佮意你
guá kah-ì lí
來倚踮我身邊
lai uá tiàm guá sin-pinn
女)
假使咱毋捌來分開
ká-sú lán m?-bat lai hun-khui
愛情會延續到何時
ài-ts?ng ē ian-sio?k kàu h?-s?
男)
毋管未來
m?-kuán bī-lai
踮海角天邊佗位去
tiàm hái-kak thinn-pinn tó-uī khì
愛情袂像流星消失
ài-ts?ng buē tshiūnn li?-tshinn siau-sit
合)
啦~啦~啦~
lah~ lah~ lah~
女)
我愛你毋甘袂記
guá ài lí m?-kam buē-kì
毋通袂記
m?-thang buē-kì
合)
啦~啦~啦~
lah~ lah~ lah~
只要有你踮我身邊
tsí-iàu ū lí tiàm guá sin-pinn
------------------------------------------
→https://www.youtube.com/watch?v=fDHAY9GsjDU
========================================
1314/《情深深夢重重》Ts?ng Tshim-tshim Bāng T?ng-t?ng
蔡粢蟬 Tshuà Tsu-sian
------------------------------------------
對你思念的心情
tuì lí su-liām ê sim-ts?ng
猶原規暝攏袂停
iu-guan kui-m? lóng buē th?ng
毋知愛你遮爾深
m?-tsai ài lí tsiah-nī tshim
甘願耽誤阮一生
kam-guān tam-gōo gún it-sing
毋願愛情來變冷
m?-guān ài-ts?ng lai piàn líng
望你知影堅定的心
bāng lí tsai-iánn kian-tīng ê sim
想你無限的心情
siūnn lí b?-hān ê sim-ts?ng
毋驚天地來變形
m?-kiann thinn-tē lai piàn-h?ng
只有時間來證明
tsí-ū s?-kan lai tsìng-b?ng
請你對阮愛相信
tshiánn lí tuì gún ài siong-sìn
阮的海誓佮山盟
gún ê hái-sè kah san-b?ng
付出是一片的真心
hù-tshut sī it-phiàn ê tsin-sim
情深深
ts?ng tshim-tshim
夢重重
bāng t?ng-t?ng
愛你一言難盡
ài lí it-gian lan-tsīn
千般柔情
tshian-puann ji?-ts?ng
賭著阮性命
tóo tio?h gún sìng-bīng
思戀情淚滴胸前
su-luan ts?ng-luī tih hing-ts?ng
偌濟犧牲
guā-tsuē hi-sing
明月為證
b?ng-gua?t uī tsìng
永遠囥阮心肝頂
íng-uán kh?g gún sim-kuann tíng
------------------------------------------
→https://www.youtube.com/watch?v=y3R2Kh-8mm4
========================================
1315/《只有再會》Tsí-ū Tsài-huē
蔡粢蟬 Tshuà Tsu-sian
------------------------------------------
愛你的痴情
ài lí ê tshi-ts?ng
到今毋甘清醒
kàu-tann m?-kam tshing-tshénn
茫茫沉醉毋知假
bang-bang t?m-tsuì m?-tsai ké
是多情
sī to-ts?ng
也是無後悔
iā-sī b? hiō-hué
行到遮
kiann kàu tsia
無路通退
b?-lōo thang thè
啊~寂寞的暗暝
ah~ tsi?k-bo?k ê àm-m?
啊~你敢會體會
ah~ lí kám ē thé-huē
拍毋見的心肝
phàng-kìnn ê sim-kuann
到今無半點怨慼
kàu-tann b? puàn-tiám uàn-tsheh
目屎滴落
ba?k-sái tih--lo?h
輕輕手掰
khin-khin tshiú pué
愛像流水
ài tshiūnn lau-tsuí
一去不回
it khì put huê
情飄風中
ts?ng phiau hong-tiong
難得收回
lan-tit siu-huê
花花世界
hua-hua sè-kài
真心算啥貨
tsin-sim s?g siánn-huè
花言巧語
hua-gian khá-gí
攏是白賊話
lóng-sī pe?h-tsha?t-uē
阮的心肝落雪
gún ê sim-kuann lo?h-seh
有緣無份
ū-ian b?-hūn
只有再會
tsí-ū tsài-huē
------------------------------------------
→https://www.youtube.com/watch?v=VwN6ZPT-gF0
========================================
1316/《酒國戀情》Tsiú-kok Luan-ts?ng
蔡粢蟬 Tshuà Tsu-sian
------------------------------------------
啉予茫茫
lim hōo bang-bang
予你較好欺騙我
hōo-lí khah hó khi-phiàn guá
愛我的心
ài guá ê sim
若是像性命
ná sī tshiūnn sìnn-miā
為怎樣你
uī tsuánn-iūnn lí
袂記得了我的名
bē-kì-tit liáu guá ê mia
為怎樣你
uī tsuánn-iūnn lí
這款蹧躂
tsit khuán tsau-that
凊彩講講
tshìn-tshái kóng-kóng
愛我永遠袂變卦
ài guá íng-uán buē piàn-kuà
真心的愛
tsin-sim ê ài
你講免咒誓
lí kóng bián tsiù-tsuā
你敢知影
lí kám tsai-iánn
主角攏是由你搬
tsú-kak lóng-sī i? lí puann
你敢知影
lí kám tsai-iánn
最後按怎
tsuè-āu án-tsuánn
為啥物痴情人
uī-siánn-mih tshi-ts?ng lang
夜夜夢
iā-iā bāng
心茫茫
sim bang-bang
燒酒滿滿斟予我
sio-tsiú buán-buán th?n hōo guá
用酒麻醉我的心肝
iōng tsiú ba-tsuì guá ê sim-kuann
你的心
lí ê sim
你的腦海
lí ê náu-hái
根本無影有我
kin-pún b?-iánn ū guá
請你將心還予我
tshiánn lí tsiong sim hainn hōo guá
---
為啥物有情人
uī-siánn-mih ū-ts?ng lang
夜夜夢
iā-iā bāng
心茫茫
sim bang-bang
燒酒滿滿斟予我
sio-tsiú buán-buán th?n hōo guá
用酒麻醉我的心肝
iōng tsiú ba-tsuì guá ê sim-kuann
你的心
lí ê sim
你的腦海
lí ê náu-hái
根本無影有我
kin-pún b?-iánn ū guá
請你將心還予我
tshiánn lí tsiong sim hainn hōo guá
------------------------------------------
→https://www.youtube.com/watch?v=V-VlS7FT2cQ
========================================
1317/《愛愈遠愈重》ài Jú Hn?g Jú Tāng
邱凱偉 Khu Khái-uí
------------------------------------------
離了故鄉的街頂
lī liáu kòo-hiong ê ke-tíng
有行袂煞的長
ū kiann buē suah ê tn?g
遠了海湧的白雲
hn?g liáu hái-íng ê pe?h-h?n
閣較藍嘛烏陰
koh-khah na mā oo-im
干焦清風會送來
kan-na tshing-hong ē sàng lai
彼土地每夜的花芳
he thóo-tē muí iā ê hue-phang
予我攑頭的暗暝
hōo guá gia?h-thau ê àm-m?
目箍無遐紅
ba?k-khoo b? hiah ang
路愈遠愈暗
lōo jú hn?g jú àm
賰我一個人
tshun guá tsi?t-ê lang
流浪是世間
li?-lōng sī sè-kan
最疼的夢
tsuè thiànn ê bāng
愛愈遠愈重
ài jú hn?g jú tāng
欲對佗位藏
beh tuì tó-uī tshàng
阮用思念
gún iōng su-liām
換一個希望
uānn tsi?t-ê hi-bāng
路愈遠愈暗
lōo jú hn?g jú àm
賰我一個人
tshun guá tsi?t-ê lang
想欲越頭
siūnn-beh ua?t-thau
才知影袂當
tsiah tsai-iánn buē-tàng
愛愈遠愈重
ài jú hn?g jú tāng
欲對佗位藏
beh tuì tó-uī tshàng
咱是永遠行佇海湧
lán sī íng-uán kiann tī hái-íng
彼個人
hit-ê lang
雨中的人
hōo-tiong ê lang
------------------------------------------
→https://www.youtube.com/watch?v=H9WT74et_r8
========================================
1318/《愛你一個人》ài Lí Tsi?t-ê Lang
邱凱偉 Khu Khái-uí
------------------------------------------
會記得彼一工
ē-kì-tit hit tsi?t-kang
家己一個人
ka-kī tsi?t-ê lang
佇咧車站
tī-leh tshia-tsām
等到日頭暗
tán-kàu ji?t-thau àm
明明鼻著
b?ng-b?ng phīnn-tio?h
你的頭毛芳
lí ê thau-mn?g phang
煞看無人
suah khuànn-b? lang
少年時對感情
siàu-lian-s? tuì kám-ts?ng
毋知影輕重
m? tsai-iánn khin-tāng
等有一工
tán ū-tsi?t-kang
予命運來戲弄
hōo miā-ūn lai hì-lāng
愛才毋甘放
ài tsiah m?-kam pàng
愛你一個人
ài lí tsi?t-ê lang
思思念念
su-su-liām-liām
我的心寄予你保管
guá ê sim kià hōo-lí pó-kuán
陪你走西也走東
puê lí tsáu sai iā tsáu tang
無怨無嘆
b? uàn b? thàn
心甘情願
sim kam ts?ng guān
世情冷冷暖暖
sè-ts?ng líng-líng-luán-luán
愛計較袂完
ài kè-kàu buē uan
攏總仝款
lóng-tsóng kāng-khuán
用真心來相送
iōng tsin-sim lai sio-sàng
攏是多情人
lóng-sī to-ts?ng lang
愛你一個人
ài lí tsi?t-ê lang
阮戇戇等
gún gōng-gōng tán
你的笑容像萬靈丹
lí ê tshiò-i?ng tshiūnn bān-l?ng-tan
予我數念一世人
hōo guá siàu-liām tsi?t-sì-lang
心甘情願
sim kam ts?ng guān
陪你做夢
puê lí tsuè-bāng
我相信
guá siong-sìn
總會有彼一工
tsóng ē ū hit tsi?t-kang
咱兩人
lán nn?g-lang
會當成對成雙
ē-tàng s?ng-tuì s?ng-siang
愛你一個人
ài lí tsi?t-ê lang
思思念念
su-su-liām-liām
我的心寄予你保管
guá ê sim kià hōo-lí pó-kuán
陪你走西也走東
puê lí tsáu sai iā tsáu tang
無怨無嘆
b? uàn b? thàn
愛你一個人
ài lí tsi?t-ê lang
阮戇戇等
gún gōng-gōng tán
你的笑容像萬靈丹
lí ê tshiò-i?ng tshiūnn bān-l?ng-tan
予我數念一世人
hōo guá siàu-liām tsi?t-sì-lang
心甘情願
sim kam ts?ng guān
愛你一個人
ài lí tsi?t-ê lang
------------------------------------------
→https://www.youtube.com/watch?v=7A-EXOhl7dw
========================================
1319/《春風偷偷講》Tshun-hong Thau-thau Kóng
林予晞 L?m ú-hi
------------------------------------------
春風
tshun-hong
對著寂寞
tuì tio?h tsi?k-bo?k
偷偷講
thau-thau kóng
伊講
i kóng
有人毋免閣流浪
ū-lang m?-bián koh li?-lōng
我揣著
guá tshuē-tio?h
愛的影蹤
ài ê iánn-tsong
阿娜達(あなた)
a-ná-tah
親像咧夢中
tshin-tshiūnn teh bāng-tiong
幸福的種種
hīng-hok ê tsióng-tsióng
予人戇
hōo-lang gōng
但是笑咪咪
tān-sī tshiò-bi-bi
我愛的彼個人
guá ài ê hit-ê lang
歡喜閣歹勢講
huann-hí koh pháinn-sè kóng
感謝就囥心中
kám-siā tiō kh?g sim-tiong
愛著的種種美麗
ài-tio?h ê tsióng-tsióng bí-lē
講袂出的滋味
kóng buē tshut ê tsu-bī
連和伊講話
lian hām i kóng-uē
攏人會楞
lóng lang ē g?ng
失去方向
sit-khì hong-hiòng
規個世間
kui-ê sè-kan
攏是笑容
lóng-sī tshiò-i?ng
------------------------------------------
→https://www.youtube.com/watch?v=nGHdmnLkkkA
========================================
1320/《想你彼一暝》Siūnn Lí Hit Tsi?t-m?
宋健彰 Sòng Kiān-tsiong
------------------------------------------
想起你彼一暝
siūnn-khí lí hit tsi?t-m?
風微微
hong b?-b?
佇一個落雨天
tī tsi?t-ê lo?h-hōo-thinn
你攬著我
lí lám tio?h guá
共我惜規暝
kā guá sioh kui m?
是我上懷念的滋味
sī guá siōng huai-liām ê tsu-bī
細漢時
sè-hàn s?
田莊邊的氣味
tshan-tsng pinn ê khì-bī
到這馬攏是甜
kàu tsit-má lóng-sī tinn
淋著雨
lam tio?h hōo
手牽手講趣味
tshiú-khan-tshiú kóng tshù-bī
咱做陣唸歌詩
lán tsuè-tīn liām kua-si
寫予你的批信
siá hōo-lí ê phue-sìn
毋知欲寄佗位
m?-tsai beh kià tó-uī
一句一字
tsi?t-kù tsi?t-jī
攏是我的相思
lóng-sī guá ê siunn-si
請你保重自己
tshiánn lí pó-tiōng tsū-kí
毋管花落花開
m?-kuán hue lo?h hue khui
我攏會陪佇你的身邊
guá lóng ē puê tī lí ê sin-pinn
細漢時
sè-hàn s?
田莊邊的氣味
tshan-tsng pinn ê khì-bī
到這馬攏是甜
kàu tsit-má lóng-sī tinn
淋著雨
lam tio?h hōo
聽你懷念過去
thiann lí huai-liām kuè-khì
攏是咱的記持
lóng sī lán ê kì-t?
寫予你的批信
siá hōo-lí ê phue-sìn
毋知欲寄佗位
m?-tsai beh kià tó-uī
一句一字
tsi?t-kù tsi?t-jī
攏是我的相思
lóng-sī guá ê siunn-si
請你保重自己
tshiánn lí pó-tiōng tsū-kí
毋管花落花開
m?-kuán hue lo?h hue khui
我攏會陪佇你的身邊
guá lóng ē puê tī lí ê sin-pinn
寫予你的批信
siá hōo-lí ê phue-sìn
毋知欲寄佗位
m?-tsai beh kià tó-uī
原來無你
guan-lai b? lí
我袂當喘氣
guá bē-tàng tshuán-khuì
請你保重自己
tshiánn lí pó-tiōng tsū-kí
無論花落花開
b?-lūn hue lo?h hue khui
我攏會陪佇你的身邊
guá lóng ē puê tī lí ê sin-pinn
------------------------------------------
→https://www.youtube.com/watch?v=dLv_9yT2gjg
========================================
推薦閱讀：