理財知識(17)：學習名人如何管理資產│梁隼

中原地產創辦人施永青先生在一個講座中，講了一個4-3-2-1的投資組合概念，呢個唔系踢足球的陣式，而系將物業相關資產、證劵投資、債劵及外幣同埋貴金屬等投資按比例分布，施生在席上就分享了佢既比例。

40%物業相關資產

30%證劵投資

20%債劵及外幣

10%貴金屬

施生是中原地產創辦人之一，對地產市場熟識是理所當然，所以分配最大比例在物業相關資產上是可理解的，咁會有人問，既然咁熟行情，點解唔訓身去搏最大利潤？分得40%咁少系唔系睇淡後市？如果咁樣都問得出，此人一系就系陰謀論專家，一系就唔系有錢人。

有錢人同窮人的分別系窮人子彈有限，想賺盡只有集中一個項目重鎚一擊，一系得一系唔得，而有錢人就唔同，拎一千萬出黎買恒生收息一年都收50萬股息，所以有錢人的資產分布，必定會以分散風險為重點，而唔系利潤最大化。

因此以施生的身家來講，擺40%在物業相關資產已算是很高的比重。

假如施生堅持這個資產分布比例，當物業價值上升時，物業相關資產就會跟隨上升，令物業佔整體資產比例增加，所以就要賣出部份物業相關資產令組合回復4-3-2-1比例，不過一般人就會以為這是減磅睇淡後市的表現，似乎是諗多左。

普羅大眾一般都以物業投資占最大比重，一來物業價格高昂，加上按揭條款收緊，買樓動輒要動用100萬現金，二來過去幾十年樓價整體都上升中，買樓已被認定為有買貴無買錯。不過做按揭買樓都算系杠捍投資，升市時賺錢以倍數計，跌市時隨時變負資產，所以在可能範圍下，應儘力將物業資產凈值（即資產價格減負債）比例下調至個人投資組合的一半或以下（如施生的40%）來平衡風險，避免資產因樓市波動而受到牽連。