上海話siri的效果如何？

識別率如何？文本用字如何？對上海話的不同口音以及其他吳語兼容性如何？

蘋果箇卯無沒作上海言話加到SIRI裏向，不過自帶鍵盤裏新增了上海言話語音輸入。

我大致試了試箇個語音輸入，識別率應該還算可以，下底一段言話，

識別出來：「不過今朝講個弗是吃頭塔是吃火腿水面是弗一樣個第廿端午節阿拉娘包子粽子地位拍拍阿拉娘罵街」有四個詞識別差誤，「年」識別爲「廿」大概是蘋果採用個音系分e/ae？我個母語e韻開口比上海話大，讀[?]，相當於上海話ae個音值。「水面」可能是我發音弗夠清晰，「包仔」識別爲「包子」我認爲弗好怪怨蘋果……，「地位」喉塞音無沒識別出來，「罵街」要吐糟一記，上海「街」有文讀音？？

文本方面基本是用個《上海話大詞典》個用字規範，不過否定詞veq(veh)用個是「弗」弗是「勿」。

兼容性嚜，基本上只能兼容上海話個弗同口音，兼容其他吳語，哪怕是隔壁蘇州也是弗現實個，畢竟電腦只能識別音值，弗能理解音位，各地用詞也有點兩樣。畢竟英語也是分英語(英國)、英語(美國)……個。

要注意個是，如果鍵盤無沒添加簡體中文個言話，是弗能夠用上海話語音輸入個。